چاۋۇشئوغلۇ ئامېرىكا تاشقى ئىشلار مىنىستىرى كېرى بىلەن تېلېفونلاشتى

تۈركىيە ئاۋازى رادىيوسى خەۋىرى: كېرىنىڭ تەلىپىگە بىنائەن ئىشقا ئاشۇرۇلغان تېلېفون ئۇچرىشىشىدا، سۈرىيە كىرىزىسى، ھەلەبنىڭ ئەھۋالى، سۈرىيەدىكى توقۇنۇشلار، سۈرىيەدىكى ئېھتىياجلىق كىشىلەرگە بېرىلىۋاتقان ئىنسانپەرۋەرلىك ياردەملەرنى ئالدىمىزدىكى مەزگىلدە تېخىمۇ ئاشۇرۇش قاتارلىق مەسىلىلەرنى چۆرىدىگەن ھالدا مۇزاكىرە ئېلىپ بېرىلدى.

چاۋۇشئوغلۇ ماكېدونىيە تاشقى ئىشلار مىنىستىرى نىكولا پوپوسكى بىلەنمۇ تېلېفونلاشتى.

تېلېفون ئۇچرىشىشىدا، ئىككى دۆلەت رەھبەرلىرىنىڭ ئالدىمىزدىكى مەزگىلدە ئۆزئارا ئىشقا ئاشۇرىدىغان زىيارەت تەقۋىمىنى چۆرىدىگەن ھالدا سۆھبەت ئېلىپ بېرىلدى.