تۈركىيە ئامېرىكىنى ئاگاھلاندۇردى

تۈركىيە ئاۋازى رادىيوسى خەۋىرى: ئامېرىكا دۆلەت مۇداپىئە مىنىستىرلىقىنىڭ «سۈرىيەدە تېررورلۇق تەشكىلاتى دائېش يوق جايلاردىكى توقۇنۇشلارنى قوبۇل قىلغىلى بولمايدۇ» دېگەن باياناتىغا بولغان ئىنكاس، تۈركىيە تاشقى ئىشلار مىنىستىرلىقىغا چاقىرتىلغان ئامېرىكا باش ئەلچىسى جون باسقا يەتكۈزۈلدى. تۈركىيە تاشقى ئىشلار مىنىستىرلىقىنىڭ مەسلىھەتچىسى فەرىدۇن سىنىرلىئوغلۇ مىنىستىرلىقتا قوبۇل قىلغان باش ئەلچى جون باسقا، ئامېرىكا دائىرىلىرىنىڭ فىرات قالقىنى توغرىسىدا قىلغان سۆزلىرىنى قوبۇل قىلغىلى بولمايدىغانلىقىنى بىلدۈردى.

ئۇ يەنە، تېررورلۇق تەشكىلاتى پ ك ك نىڭ سۈرىيەدىكى گۇماشتىسى پ ي د ياكى ي پ گ نىڭ فىرات دەرياسىنىڭ شەرقىگە چېكىنىشى توغرىسىدا بەرگەن ۋەدىسىگە ئەمەل قىلىشى كېرەكلىكىنى تەكىتلىدى.