түркийә армийәси: 24 - авғусттин буйан сүрийәдә 400 куадерат километирлиқ саһә тазиланди
түркийә армийәси, ‹фират қалқини› һәрикитигә мунасивәтлик әң йеңи әһваллар тоғрисида җамаәтчиликкә мәлумат бәрди.
түркийә авази радийоси хәвири: түркийә армийәси рәсмий байанат елан қилип, түркийә қораллиқ күчлириниң даеш террорлуқ тәшкилатини райондин чиқириветиш мәқситидә қоллап – қуввәтлигән әркин сүрийә армийәсиниң сүрийәдә йәнә 10 йезини террорчи унсурлардин тазилиғанлиқини билдүрди.
баш қоманданлиқ иштаби тәрипидин елан қилинған байанатта, фират қалқини һәрикити башлиған 24 – авғусттин буйан 400 куадерат километир җайниң даеш, PYD/YPG террорлуқ тәшкилатлиридин тазиланғанлиқи тәкитләнди.
байанатта йәнә, җәраблус районида һазирғичә қолға киргүзүлгән җайниң ғәрбигә өтүлгәнлики вә даеш террорлуқ тәшкилатиниң контроллуқидики җайларни тазилаш һәрикитиниң давамлишиватқанлиқи әскәртилди.
مۇناسىۋەتلىك خەۋەرلەر
түркийә һиндистан әлчисигә тәзийә билдүрди
түркийә һиндистанниң әнқәрә баш әлчиси вирандер павулниң вапати үчүн тәзийә телеграммиси елан қилди.