хуш хәвәр! түркийәдә оқуватқан уйғурлар ишләш рухсити алалайду
түркийәдә чәт әлликләрниң хизмәт шараитини тәртипкә салидиған қанун рәсмий гезиттә елан қилинди.
түркийә авази радийоси хәвири: түркийәдә чәт әллик оқуғучиларға ишләш рухсити берилидиған болди
түркийәдә чәт әлликләрниң хизмәт шараитини тәртипкә салидиған қанун рәсмий иҗра қилинишқа башланди.
бәлгилимидә көрситилишичә, түркийәдә алий маарипни тамамлиған чәт әллик оқуғучилар ишләш рухсити һоқуқиға игә болиду. түркийәдә һазир 68 миңдин көпрәк чәл әллик оқуғучи бар.
түркийәдә чәт әлликләрниң хизмәт шараитини тәртипкә салидиған қанун рәсмий гезиттә елан қилинғандин кейин, бүгүн иҗра қилинишқа башланди. алий маарипни түркийәдә тамамлиған чәт әллик оқуғучилар оқуш пүттүргән йилдин башлап, 1 йил ичидә ишләш рухсити елишқа илтимас суналайду. илтимас хәлқара әмгәк күчи сийасити мәслиһәт кеңиши тәрипидин мақуллиниду.
вәтән гезитиниң хәбиридә болса, түркийә һесаб ишлири вә малийә мәслиһәт хизмәтлири ширкитиниң шерики нәслихан реперсниң «түркийәдә алий мәктәпни пүткүзгән йаки техиму йүқири сәвийәдә оқуған чәт әллик оқуғучилар оқушни башлап, дәсләпки бир йилни өткүзгәндин кейин ишләш рухсити елишқа илтимас сунса болиду. 4857 нумурлуқ әмгәк мулазимәт қануниға бинаән қисмән мүддәтлик ишләш рухситигә игә болалайду» дегәнлики қәйт қилинди.
нәслихан реперс: «түркийә алий муарип башқармисиниң 2014- вә 2015 - йиллиқ истатескисиға көрә, түркийәдики университетларда 68 миң 286 оқуғучи оқумақта. ниверситетлиримиз болупму оттура асийа дөләтлиридин кәлгән оқуғучиларни бәкрәк җәлп қилмақта» деди.
