«فەتھۇللاھچى تېررورلۇق تەشكىلاتى تۈركىيە – رۇسىيە مۇناسىۋەتلىرىگە خىرىس قىلدى»
جۇمھۇر رەئىس ئەردوغان فەتھۇللاھچى تېررورلۇق تەشكىلاتى ۋە بۇ تەشكىلاتنىڭ ئارقىسىدىكى كۈچلەرنىڭ رۇسىيە – تۈركىيە مۇناسىۋەتلىرىگە خىرىس قىلغانلىقىنىڭ پاش بولغانلىقىنى ئېيتتى.
تۈركىيە ئاۋازى رادىيوسى خەۋىرى: ئەردوغان رۇسىيە پىرېزىدېنتى ۋلادىمىر پۇتىن بىلەن رۇسىيەنىڭ سېنت پېتېرسبۇرگ شەھىرىدىكى كونستانتىنوسۋكى سارىيىدا تۈرك ۋە رۇس كارخانىچىلار بىلەن ئۇچراشقاندا قىلغان سۆزىدە، «فەتھۇللاھچى تېررورلۇق تەشكىلاتى ۋە بۇ تەشكىلاتنىڭ ئارقىسىدىكى كۈچلەرنىڭ رۇسىيە – تۈركىيە مۇناسىۋەتلىرىگە خىرىس قىلغانلىقى پاش بولدى. بۇنى بۈگۈنكى كۈندە تېخىمۇ ياخشى چۈشىنىۋاتىمىز» دېدى.
رۇسىيە پىرېزىدېنتى ۋلادىمىر پۇتىنمۇ بۇ يەردە قىلغان سۆزىدە، تۈركىيە – رۇسىيە ئوتتۇرىسىدىكى سودا – ئىقتىساد مۇناسىۋەتلىرىنى ئايروپىلان كىرىزىسىدىن بۇرۇنقى ۋاقىتتىكىدەك ياخشىلاشنى، ھەتتا ئۇنىڭدىنمۇ يۈكسەك سەۋىيەگە يەتكۈزۈشنى پىلانلاۋاتقانلىقلىرىنى تەكىتلەپ مۇنداق دېدى: «قۇرۇلۇش ساھەسى تۈركىيە – رۇسىيە ئىقتىسادىي مۇناسىۋەتلىرىنىڭ ئاساسىنى تەشكىل قىلىدۇ. شۇڭا، بۇ ساھەدىكى ھەمكارلىق مۇناسىۋەتلىرىمىزنى قايتىدىن جانلاندۇرۇشقا تەييارمىز.»
مۇناسىۋەتلىك خەۋەرلەر
گىرېتسىيە باش مىنىستىرى كىرىياكوس مىتسوتاكىس ئەتە تۈركىيەگە يېتىپ كېلىدۇ
جۇمھۇر رەئىس رەجەپ تاييىپ ئەردوغان پايتەخت ئەنقەرەدە مىتسوتاكىسنىڭ زىيارىتىنى قوبۇل قىلىدۇ.