bash ministir yildirim rashid dostumni qobul qildi
bash ministir binali yildirim, afghanistan pirézidéntining birinchi yardemchisi rashid dostumni chanqaya sariyida qobul qildi.
türkiye awazi radiyosi xewiri: bash ministir binali yildirim, afghanistan pirézidéntining birinchi yardemchisi rashid dostumgha fethullahchi térrorluq teshkilati / parallél dölet qurulmisining 15 – iyuldiki herbiy - siyasiy özgirish qozghashqa urunush herikitige qarshi türkiye hökümiti we xelqi bilen hemkarliq ichide bolghanliqi üchün minnetdarliq bildürdi.
bash ministirliq mehkimisi menbeliridin igilengen uchurgha asaslanghanda, bash ministir binali yildirim rashid dostum bilen chanqaya sariyida yépiq söhbet ötküzdi. uchrishishta, yildirim dostumgha türkiye hökümiti we xelqi bilen bir septe turghanliqidin söyüngenlikini ipadilidi.
yildirim yene, türkiyening afghanistanning muqimliq we xatirjemlikige ehmiyet béridighanliqini, her sahediki qollash we dost afghanistan bilen yéqin munasiwetlerni aldimizdiki mezgillerdimu dawamlashturulidighanliqini qeyt qildi.
