qurtulmush ‹démokratiyeni qoghdash nöwetliri› ning axirlishish waqitini élan qildi

türkiye awazi radiyosi xewiri: enqerening qizil ay meydani we jumhur reislik sariyi aldidiki ‹démokratiyeni muhapizet qilish nöwiti› dawam qilmaqta؛ yighilishta kéche boyiche shéhitlargha atap dua qilindi. démokratiye muhapizetchiliri shéhitlerning foto – süretlirini kötürüp mangdi. yighilishqa siyasetchilerdin sirt senetchilermu ishtirak qildi. xelq, jumhur reis erdoghanning bir téléwiziye qanilida biwasite tarqitilghan bayanatlirini chong ikranlar arqiliq anglidi.

istanbulning oxshash bolmighan meydanliridimu minglache kishi ‹démokratiyeni qoghdash nöwiti› ni dawamlashturdi, fethullahchi térrorluq teshkilatining herbiy - siyasiy özgirish qozghashqa urunush qilmishigha naraziliq bildürdi. sarachxanediki istanbul sheherlik hökümet binasining aldi adem déngizigha aylandi. u yighilishqa ishtirak qilghan bash ministir yardemchisi numan qurtulmush, jumhur reis erdoghan teripidin élan qilinghan démokratiyeni qoghdash nöwetlirining 7 – awghustqiche dawamlishidighanliqini, u chaghqiche héchkimning meydanlarni yalghuz tashlap qoymasliqi kéreklikini tekitlidi.

buningdin bashqa taksim meydani we jumhur reis erdoghanning qisiklidiki öyining aldimu türkiye bayriqi déngizigha aylandi. u yerdiki yighilishqa bash ministir yardemchisi weysi qaynaq, énérgiye we tebiiy bayliqlar ministiri berat albayraq we jumhur reis erdoghanning qizi esra albayraqmu qétildi.

bulardin bashqa ormanchiliq we su ishliri ministiri weysel eroghlu izmirdiki, yawropa ittipaqi ishliri ministiri we bash muzakirichi ömer chelik adanadiki, tashqi ishlar ministiri mewlüt chawushoghlu antalyadiki, sabiq énérgiye we tebiiy bayliqlar ministiri taner yildiz newshehirdiki démokratiye nöwiti yighilishigha ishtirak qildi.

yene qarabük we diyarbakirdiki meydanlargha yighilghan minglarche kishi türkiye bayriqi we jumhur reis erdoghanning resmini kötürgen halda fethullahchi térrorluq teshkilatining herbiy - siyasiy özgirish qozghashqa urunush qilmishigha naraziliq bildürdi.