پ ك ك نىڭ ھەقىقىي ئەپتى - بەشىرىسى
جۇمھۇر رەئىس ئەردوغان پۈتكۈل دۇنيانىڭ تېررورلۇق تەشكىلاتى پ ك ك نىڭ ھەقىقىي ئەپتى – بەشىرىسنى كۆرۈشى لازىملىقىنى ئېيتتى.
463106
تۈركىيە ئاۋازى رادىيوسى خەۋىرى: جۇمھۇر رەئىس رەجەپ تاييىپ ئەردوغان تۈركىيەنىڭ تېررورلۇق تەشكىلاتى پ ك ك ۋە دائېشقا قارشى سەۋر - تاقىتى قالمىغانلىقىنى، ئامېرىكا ۋە ياۋروپا ئىتتىپاقىنىڭ بۇ مەسىلىگە تۇتۇۋاتقان پوزىتسىيەسىنى تەنقىد قىلىپ مۇنداق دېدى: «دىيارباقىردىكى خائىنلارچە ھۇجۇمىدىن كېيىن ياۋروپا ئىتتىپاقى ۋە خەلقئارا جامائەتچىلىك پ ك ك نىڭ ھەقىقىي ئەپتى - بەشىرىسىنى كۆرۈشى لازىم. پ ك ك نىڭ سۈرىيەدىكى قۇيرۇقى بولغان پ ي د دائېشقا ھۇجۇم قىلىۋاتىدۇ، دەپلا غەربنىڭ كۆزىدە ياخشى تەشكىلات بولۇپ كۆرۈلمەكتە. بىزنىڭ بۇ خىل قاراشنى قوبۇل قىلىشىمىز قەتئىي مۇمكىن ئەمەس.»
