erdoghan: türkiye we türk xelqi térrorluqqa hergizmu teslim bolmaydu
dölitimiz jumhur reisi rejep tayyip erdoghan türkiyening térrorluqning kölenggisige hergizmu teslim bolmaydighanliqini éytti.
türkiye awazi radiyosi xewiri: dölitimiz jumhur reisi rejep tayyip erdoghan halich kongre merkizide ötküzülgen bir paaliyette söz qildi. u: «dölitimiz we xelqimiz nishanidin hergizmu yiraqlashmaydu, ghayisini yoqitip qoymaydu. allah xalisa, xelqimizning birliki we bir pütünlükige, dölitimizning mewjutluqigha ige chiqip, térrorluq teshkilatliri we arqisidiki küchlerni haman bir küni meghlup qilimiz» dédi. u hemme kishining, térroristlarning meqsitining kishiler qelbige qorqunch we endishelerni sélish ikenlikini yaxshi bilidighanliqini, emma bundaq hujumlar bilen meqsitige yetken héchqandaq térrorluq teshkilatining yoqluqini bildürdi.
jumhur reis rejep tayyip erdoghan térrorluq teshkilati p k k ning paytext biryussélda chédir qurushigha ruxset qilghan bélgiye hökümitini yene bir qétim tenqid qildi. u térrorluq hujumi parizhda yüz berse qiyametni qayim qilghanlaning, oxshash hujum enqere, istanbulda yüz bergende, néme üchün inkas qayturmaydighanliqigha heyran qalghanliqini éytti. u biryussélda térrorluq teshkilati p k k ning latisini lepilditishke ruxset qilghanlarning, dostluqqa munasip emesdlikini tekitlidi.
yawropa ittipaqi «térrorluq teshkilati» dep élan qilghan teshkilatning bu xil paaliyitige ruxset qilghan biryussél hökümitige qattiq naraziliq bildürgen jumhur reis rejep tayyip erdoghan: «qiyinchiliqta biz bilen birge bolghan dostlirimizni héchqachan untumaymiz, bizge toghrilanghan qorallarni qollighanlarnimu hergiz untumaymiz» dédi.
u sözide, istanbuldiki istiqlal kochisida yüz bergen adem bomba hujumida hayatidin ayrilghan üch isirailiye puqrasi we bir iran puqrasi üchün isirailiye pirézidénti réyuwén riwlin we iran pirézidénti hasan ruhanigha teziye télégrammisi ewetti.
jumhur reislik külliyesidin élinghan melumatlargha asaslanghanda, rejep tayyip erdoghan teziye télégrammisida hayatidin ayrilghanlargha teziye bildürüsh bilen bir waqitta, yarilanghan 10 isirailiye puqrasi we üch iran puqrasining salametlikining téz eslige kélishige tilekdashliq bildürgen.
