erdoghan noruzni tebriklidi
dölitimiz jumhur rejep tayyip erdoghan dölitimiz we xelqimizning térrorluq üstidin jezmen ghelibe qilidighanliqigha ishinidighanliqini éytti.
türkiye awazi radiyosi xewiri: jumhur reis rejep tayyip erdoghan : «bizge qorqunchaqliq yarashmaydu, biz qorqunchni qorqitidighanlardin bolushimiz lazim» dédi.
u istanbuldiki dunya ormanchiliq we su küni munasiwiti bilen ötküzülgen paaliyette sözini21 – mart noruz bayrimini tebriklesh bilen bashlidi. u mundaq dédi:
«noruzni bayram emes, belki qan töküsh dep chüshinidighanlargha lenet bolsun!.»
u türkiyening awghust éyidin bashlap p k k we uning bilen birlikte heriket qilish qarari alghan daésh qatarliq insaniy we exlaqiy jehette héchqandaq ölchemni étirap qilmaydighan térrorluq teshkilatlirining nishanigha aylanghanliqini bildürdi. u hemme kishining, térroristlarning meqsitining kishiler qelbige qorqunch we endishelerni sélish ikenlikini yaxshi bilidighanliqini؛ türk xelqining minglarche yildin buyan bu zéminlarda térrorluq teshkilatigha oxshash nurghunlighan tehdit we pitne – pasatlar üstidin ghalip kelgenlikini, bu tehditnimu meghlup qilidighanliqini éytti.
térrorluqqa qarshi küreshte esker, saqchilarning shéhit bolushi bilen, chong sheherlerdiki adem bomba hujumlirida bigunah kishilerning hayatidin ayrilishining, pütkül xelqini qayghugha chömdürgenlikini eskertti. u: «qayghugha chömduq, emma nishanimizdin waz kechmeymiz, pilan – layihelirimizni emelge ashurushtin hergizmu keynimizge yanmaymiz» dédi.
u seperwerlik paaliyitige éhtiyaj barliqini, bügüngiche xelqqe qarshi urush qilip, ghelibe qilghan birmu térrorluq teshkilatining yoqluqini tekitlidi. u: «buning üchün xelqimiz birlik we barawerlikini téximu mustehkemlisun, buningdin hergizmu waz kechmisun, térrorluqni qan qusturidighan budur» dédi.
