ikki chong öktichi partiye dawutoghluning chaqiriqigha awaz qoshti
bash ministir ehmed dawutoghlu, türkiye büyük millet mejlisige yollanghan parlamént ezalirining chéqilalmasliq hoquqining emeldin qaldurulushi telipini birdek qobul qilishni teklip qildi.
türkiye awazi radiyosi xewiri: bash ministir ehmed dawutoghlu, türkiye büyük millet mejlisige yollanghan parlamént ezalirining chéqilalmasliq hoquqining emeldin qaldurulushigha munasiwetlik barliq teleplerni awazgha qoyup testiqlashni teklip qilip mundaq dédi: «kélinglar, chéqilalmasliq hoquqini hemmimiz birlikte élip tashlayli. nöwette parlaméntta kütüp turuwatqan 506 dane chéqilalmasliq hoquqining bikar qilinishigha munasiwetlik matériyal bar, bularning hemmisini biraqla bikar qilayli. adalet we tereqqiyat partiyesining qorqidighan héchqandaq matériyali yoq» dédi.
jumhuriyet xelq partiyesi bilen milliyetchi heriket partiyesi, bash ministir ehmed dawutoghluning «chiqilalmasliq hoquqi» toghrisidiki teklipige «biz teyyar» dep qollap bayanat berdi.
jumhuriyet xelq partiyesining parlaménttiki guruppa bashliqi wekili lewent gök, dawutoghluning chaqiriqining partiyesining teklipige mas kélidighanliqini bildürdi, milliyetchi heriket partiyesining parlaménttiki guruppa bashliqi wekili oktay wural bu heqte toxtilip, «parlamént söz sehnisige chétishliq matériyallardin bashqa barliq chéqilalmasliq hoquqlirining bikar qilinishi terepdarimiz» dégenlerni qeyt qildi.
