давутоғлу полшада зийарәттә болиду
баш министир давутоғлу, бүгүн полшада дөләт ишлири зийаритидә болиду.
түркийә авази радийоси хәвири: давутоғлу, полша баш министири ева копакзиниң тәклипигә бинаән учришишларда болиду. давутоғлу, бу даиридә ева копакзи вә полша пирезиденти боронислав коморровиски билән елип баридиған учришишлирида, икки дөләт оттурисидики мунасивәтләрдин сирт йәнә, түркийәниң йавропа иттипақиға әзалиқ басқучи вә қибрис мәсилиси қатарлиқ мәсилиләрни чөридигән һалда музакирә елип бариду. зийарәттә, сүрийә вә ирақтики өзгиришләрни өз ичигә алған күндилик районлуқ вә хәлқаралиқ мәсилиләрни чөридигән һалда өзара пикир алмаштурулиду. давутоғлуниң полша баш министири копакзи билән бирликтә иштирак қилидиған түркийә – полша дипломатик мунасивәт орнатқанлиқиниң 600 – йиллиқини хатириләш паалийәтлириниң йепилиши түркийәдин сәнәтчиләрниңму иштирак қилишида полшаниң әң даңлиқ Teatr Wielki сәнәт сарийида ишқа ашурулиду. мутәхәссисләрниң қаришичә, зийарәт, икки дөләт оттурисидики 6 әсир бурун орнитилған дипломатик вә достанә мунасивәтләрниң йәниму тәрәққий қилдурулуши җәһәттин муһим рол ойнайдикән.
