түркийә сийасий һайатиниң әң муһим сайлими ахирлашти

ғәйрий рәсмий нәтиҗиләргә көрә, рәҗәп таййип әрдоған аваз беләтлириниң 52% сини елип, түркийәниң 12- нөвәтлик җумһур рәиси болди.
сайламларға иштирак қилиш нисбити 73% болди, ташланған инавәтлик беләт сани 38 милйонға йеқинлашти. чәтәлләрдә йашайдиғанларни қошқанда 56 милйонға йеқин сайлиғучиниң 73% и түркийәниң йеңи җумһур рәисини сайлаш үчүн беләт ташлиди.
ғәйрий рәсмий нәтиҗиләргә көрә, баш министир әрдоған үч намзат ичидә үстүнлүкни игилиди؛ әрдоған инавәтлик беләтләрниң 52% гә йеқини елип йеңи җумһур рәис болди. сайламда ортақ намзат әкмәлуддин иһсаноғлу иккинчи, хәлқләрниң демократийә партийәсиниң намзати сәлаһаттин дәмирташ үчинчи болди. иһсаноғлу 38% әтрапида, дәмирташ 9.7% авазға еришти.
беләт ташлиғучилар нисбити 73% әтрапида болди, ташланған беләтләрниң 39 милйониниң 38 милйони инавәтлик һесабланди. түркийәниң миқйасидики 55 вилайәттә рәҗәп таййип әрдоған, 15 вилайәттә әкмәлуддин иһсаноғлу, 11 вилайәттә сәлаһаттин дәмирташ рәқиблиридин йуқири авазға еришти.