җумһур рәислик сайлими башлиди

түркийә авази радийоси хәвири: түркийәдә бүгүн өткүзүлгән җумһур рәислик сайлимида 52милйон 894 миң 115 сайлиғучи 165 миң 108 сандуқта аваз бериду.
сайламда адаләт вә тәрәққийат партийәси намзати рәҗәп таййип әрдоған, җумһурийәт хәлқ партийәси билән милләтчи һәрикәт партийәсиниң ортақ намзати әкмәләддин иһсаноғлу вә хәлқләрниң демократик партийәси намзати сәлаһәттин дәмирташ риқабәтлишиду.
бу сайламда намзатларниң рәсимлири тунҗи қетим аваз беләтлиридә орун алди. алий сайлам комитетида ташланған чәктә аваз беләтлириниң тунҗи қатарида әрдоған, иккинчи қатарида дәмирташ, үчинчи қатарда иһсаноғлуниң рәсимлири бар. пүткүл түкийә миқийасида аваз бериш паалийити саәт 08:00да башлиди вә саәт 17:00дә ахирлишиду.
җумһур рәислик сайлими үчүн чәтәлләрдә йашаватқан түрк пуқралириниң аваз бериш паалийәтлириму двамлашмақта. чегра еғизлирида бүгүн саәт 17гичә аваз бәргили болиду.
чәтәлләрдики аваз беләтлири айрупилан арқилиқ әнқәрәгә елип келиниду, түркийәдә аваз бериш ишлири ахирлашқандин кейин барлиқ аваз беләтлири бирликтә санилиду.
җумһур рәислик сайлиминиң вақитлиқ нәтиҗилири алий сайлам комитети тәрипидин әтә елан қилиниду. рәсмий нәтиҗиләр 15-авғустта елан қилиниду. сайламниң тунҗи басқучида авазланиң көп санлиқиға еришкән намзат түркийә җумһурийитиниң 12-җумһур рәиси болуп сайлиниду. сайлам иккинчи басқучқа қалған тәқдирдә чәтәлләрдә вә чегра еғизлирида аваз бериш паалийити 17-авғустта қайтидин елип берилиду. чәтәлләрдики аваз бериш паалийити 20-авғустқичә давамлишиду. түркийә миқйасида 24-авғустта қайтидин өткүзүлиду.