пәләстинлик йаридарлар истанбул, әнқәрә қатарлиқ шәһәрләрдә давалиниду
баш министир рәҗәп таййип әрдоған, пәләстинлик йаридарларниң түркийәдә давалиниши тоғрулуқ тохталғанда, «асаслиқи истанбул болуп, әнқәрә қатарлиқ шәһәрләрдики дохтурханиларда давалаш хизмитини ишқа кириштүримиз» деди
түркийә авази радийоси хәвири: баш министир рәҗәп таййип әрдоған, пәләстинлик йаридарларниң түркийәдә давалиниши тоғрулуқ тохталғанда, «асаслиқи истанбул болуп, әнқәрә қатарлиқ шәһәрләрдики дохтурханиларда давалаш хизмитини ишқа кириштүримиз» деди.
баш министир әрдоған, хусусий бир телевизийә қанилиға бәргән байанатида, пәләстин дөләт рәиси мәһмуд аббас билән елип берилған телефон учришишида, йаридарларниң мисир вәйаки исраилийә арқилиқ түркийәгә кәлтүрүлидиғанлиқи һәмдә давалаш хизмитини өз үстигә алидиғанлиқлирини ейтқанлиқини қәйт қилди.
баш министир әрдоған мундақ дәп көрсәтти: «мәйли писхологийәлик җәһәттин давалаш болсун, мәйли оператсийәлик җәһәттин давалаш болсун һәммисиниң чиқимини биз көтүримиз, санниң аз - көплүки бизгә нисбәтән анчә муһим әмәс. музакириләрдин үнүмлүк нәтиҗә һасил қилинған һаман йаридарларни дәрһал түркийәгә кәлтүрүшкә башлаймиз һәмдә асаслиқи истанбул болуп, әнқәрә қатарлиқ шәһәрләрдә давалаш хизмитини ишқа кириштүримиз.»
