түркийә уруш тохтитиш йолида паал хизмәт ишлимәктә
исраилийә билән һамас оттурисида бүгүн әтигәндин башлап 12 саәтлик уруш тохтитиш келишими һасил қилинғандин кейин, хәлқара дипломатик күчләр техиму кәң көләмлик уруш тохтитишни қолға кәлтүрүш үчүн һәрикәткә өтти
түркийә авази радийоси хәвири: исраилийә билән һамас оттурисида бүгүн әтигәндин башлап 12 саәтлик уруш тохтитиш келишими һасил қилинғандин кейин, хәлқара дипломатик күчләр техиму кәң көләмлик уруш тохтитишни қолға кәлтүрүш үчүн һәрикәткә өтти.
түркийә дипломатийә министирликиму бу җәрйанда паал хизмәт ишлимәктә.
түркийә, америка қошма иштатлири вә қатар дипломатийә министирлири, фирансийәниң пайтәхти парижда бир йәргә җәм болуп, уруш тохтитиш мәсилиси үстидә музакирә елип бариду.
фирансийә, италийә, германийә вә йавропа иттипақиниң бир қисим рәһбәрлириму иштирак қилидиған музакириләргә исраилийә билән һамас вәкили қатнашмайду.
илгири, америка қошма иштатлири дипломатийә министири җон кери тәрипидин, ғәззәгә инсанпәрвәрлик йардәм әшйалириниң киришини ишқа ашуруш үчүн 7 күнлүк уруш тохтитиш тәклипини тәрәпләр қобул қилмиғаниди.
исраилийә, башқурулидиған снарәд һуҗумлириға хатимә берилиши, ғәззәдики тунелларниң тақиветилиши вә пәләстиндики қораллиқ гуруппиларниң қоралсизландурулушини тәләп қилмақта.
ғәззәгә йүргүзүлүватқан ембаргони қобул қилишниң әсла мумкин әмәсликини етқан һамас болса қорал – йарағлирини тапшурмайдиғанлиқини билдүрмәктә.
مۇناسىۋەتلىك خەۋەرلەر
гиретсийә баш министири кирийакос митсотакис әтә түркийәгә йетип келиду
җумһур рәис рәҗәп таййип әрдоған пайтәхт әнқәрәдә митсотакисниң зийаритини қобул қилиду.