түрк ишчилар түркийә елип келинди

ирақтики түрк ишчилар түркийәгә елип келинди؛ дипломатийә министирлиқи ирақта туруватқан түркийә пуқралири үчүн күчлүк дипломатик хизмәтләрни ишлимәктә.
ирақ даирилиридин керәклик рухсәтләр елинип, нәҗәфтә туруватқан 113 ишчиниң түркийәгә қайтиши капаләткә игә қилинди.
дипломатийә министирлиқи тәрипидин елан қилинған йазма байанатта, ирақтики түркийә пуқралирини қайтуруп келиш хизмәтлири тоғрисида мәлумат берилди؛ байанатта биринчи болуп «мусулда турушлуқ консулханимиз хадимлири вә мусулниң гәйара наһийәсидә гөрүгә еливелинған 31 шопурдин тәшкил тапқан пуқралиримизниңму дөлитимизгә әң қисқа вақит ичидә сақ – саламәт қайтишлирини көзлигән һалда керәклик барлиқ хизмәтләр наһайити сәзгүрлүк билән елип берилмақта» дейилди.
ирақниң нәҗәф шәһиридә туруватқан 113 ишчини қайтуруп келиш үчүн, ирақ даирилиридин керәклик рухсәтләрниң елинғанлиқи әскәртилди.
60 ишчиниң визисиниң вақти өтүп кәткәнлики үчүн төлиши керәк болған иқтисадий җаза бағдадта турушлуқ әлчиханиниң арилишиши билән бикар қилинип, ишчиларниң мәмликәткә қайтиши капаләткә игә қилинди.
министирлиқ йәнә мусул, кәркүк, салаһуддин, дийала, әнбар вә бағдадта туруватқан түркийә пуқралириниң мумкин болған әң қисқа вақит ичидә мәзкур вилайәтләрдин чиқип кетиши вә бу вилайәтләрдә сайаһәт қилиштин йирақ турушини тәвсийә қилди.