17.04.2024

türkiye awazi radiyosi: «yéngi shepeq géziti», jumhur reis rejep tayyip erdoghanning tünügün (16-aprél) échilghan kabént yighinidin kéyin muxbirlarning soallirigha jawab bergende, iraq ziyariti üstide toxtalghanliqini xewer qildi.

xewerde, rejep tayyip erdoghanning aldimizdiki künlerde emelge ashurulidighan iraq ziyaritining ehmiyitini tekitlep: «ziyarette nurghun kélishimler imzalinidu. türkiye-iraq munasiwetliri téximu kücheytilidu we erbilni ziyaret qilishim mumkin» dégenliki qeyt qilindi.

«hörriyet géziti», sanaet we téxnologiye ministiri mehmet fatih kajirning türkiyening tunji éniqliq derijisi yuqiri yerlik we milliy imeje (İMECE) közitish süniy hemrahining orbétagha qoyup bérilgen bir yildin buyan muweppeqiyetlik xizmet qiliwatqanliqini xewer qildi.

«star géziti», ezerbeyjan pirézidénti ilham eliyéwning türkiye-ezerbeyjan birlikte qurushni pilan qilghan «türkiye-ezerbeyjan uniwérstéti» ni testiqlighanliqini xewer qildi.

«weten géziti», edirnening keshan nahiyesige jaylashqan baykar ayropilan terbiyelesh we sinaq merkizide «2-kemankesh kichik eqilliq bashqurulidighan bombisi» ni sinaq qilish ishlirining bashlanghanliqini xewer qildi.