29.04.2024

türkiye awazi radiyosi: «‹sabah› géziti», dölitimiz (türkiye jumhuriyiti) diplomatiye ministiri xaqan fidanning pelestin bash ministiri we tashqi ishlar ministiri muhemmed mustafa bilen téléfonda körüshkenlikini xewer qildi.

gézitning xewiride eskertilishiche, ikki ministirning téléfon söhbitide, ghezze we iyordan deryasining gherbiy qirghiqi rayonlirining weziyiti heqqide muzakire élip bérilghan.

«‹hörriyet› géziti», türkiye jumhuriyiti qatnash we ul eslihe ishliri ministiri abdulqadir uraloghluning ereb birleshme xelipilikining meblegh sélish ishliri ministiri muhemmed bin hesen essuweydi bilen istanbulda körüshkende qilghan munu sözlirini neqil keltürdi:

«aldimizdiki mezgilde ereb birleshme xelipiliki,  iraq we qatarliq mensepdashlirim bilen birlikte töt tereplik ministir derijilikler yighini ötküzimiz, tereqqiyat yoli layiheside dawamliq hemkarlishimiz.»

«‹sitar› géziti», «méksikaliq ministir: <türkiyening muweppeqiyetliri chégralardin halqip dölitimizgiche yétip keldi> dédi» serlewhilik xewiride, töwendiki uchurlarni oqurmenlirining diqqitige sundi:

méksika sayahet ishliri ministiri miguél torruko markués, türkiyening téléwiziye tiyatirlirining méksikaliqlarning türkiyege ziyaretke bérishida muhim rol oynawatqanliqini bayan qilip mundaq dédi:

«türkiye rehberliri nahayiti muweppeqiyetlik téléwiziye tiyatirliri we kinolarning wasitisi arqiliq élip bériwatqan teshwiqatlarning sayisida zor utuqlargha érishti, bu muweppeqiyetler chégralardin halqip méksikaghiche yétip keldi.bu türkiyening dostluqi we xush péilliqning namayendisi, elwette.»

«‹weten› géziti», türkiye jumhuriyiti énérgiye we tebiiy bayliqlar ministiri alparslan bayraqtarning LNG kélishimi üchün amérika énérgiye shirkiti Exxon Mobil bilen söhbet élip bériliwatqanliqlirini éytqanliqini yazdi.

«‹xewer türk› géziti», sérbiyede ötküzülgen yawropa bokis lewhe talishish hel qilghuch musabiqiside, türkiye mahiri semet gumushning erler 51 kilogramliqlar boyiche wéngiriye mahiri atila bérnartni yéngip, altun médalgha érishkenlikini oqurmenlirining diqqitige sundi.