14.05.2024
bügünki türkiye gézitliride asasiy salmaqni igiligen xewerlirimiz töwendikiche:
türkiye awazi radiyosi:«‹hörriyet› géziti», dölitimiz (türkiye jumhuriyiti) jumhur reisi rejep tayyip erdoghanning paytext enqerede girétsiye bash ministiri kériyakos michotakisni qobul qilghanliqini, erdoghanning uchrishishtin kéyin ötküzülgen qoshma axbarat élan qilish yighinida mundaq dégenlikini yazdi:
«uchrishishimiz intayin muweppeqiyetlik ötti, ikki dölet otturisidiki saqliniwatqan mesililerni diyalog arqiliq hel qilimiz.»
girétsiye bash ministiri kériyakos michotakis mundaq dédi:
«girétsiye türkiyening yawropa ittipaqigha eza bolush musapisini qollimaqta.»
«‹yéngi shepeq› géziti», dölitimiz (türkiye jumhuriyiti) jumhur reisi rejep tayyip erdoghanning hamasni «térrorluq teshkilati» dégen girétsiye bash ministiri kériyakos michotakisqa mundaq jawab qayturghanliqini oqurmenliri bilen ortaqlashti:
«hamas tértorluq teshkilati emes, eksiche öz zéminini qoghdash yolida küresh qiliwatqan tirkishish teshkilatidur. derweqe, hamasning mingdin artuq ezasi türkiyede dawaliniwatidu.»
«‹sitar› géziti», tunis we osmanli impériyesi tarixigha munasiwetlik eserliri bilen tonulghan tunisliq tarixchi piroféssor doktor abduljelil temimining türkiye jumhuriyiti jumhur reisi rejep tayyip erdoghanning özgiche bir rehber ikenlikini tekitlep mundaq dégenlikini xewer qildi:
«erdoghan türkiye we islam dunyasining iptixari. eger kishiler erdoghanning pikirliri we nezeriyelirining qimmitini bilse, tolimu hang – tang qalatti.»
«‹xewer türk› géziti», «türkiyening iqtisadiy pirogrammisigha bolghan ishench künséri küchiyiwatidu» serlewhilik xewiride, töwendiki uchurlarni oqurmenlirining diqqitige sundi:
türkiyening hem iqtisadiy pirogrammisigha bolghan ishench hem tashqi meblegh yürüshtürüshtiki érishishchanliqi künséri küchiyiwatidu.
türkiye xezine we maliye ministiri mehmet shimshek türkiyening tashqi péréwot zapisining éshishishigha egiship chet el meblegh yürüshtürüshtiki érishishchanliqiningmu izchil ashidighanliqini bayan qildi.
«‹sabah› géziti», türk taamlirining dunyadiki eng lezzetlik taamlarni bir yerge jem qilghanliqini oqurmenlirining diqqitige sundi.
gézitning xewiride körsitilishiche, dunyadiki mezzilik taamlarni retke tizidighan tor sayahet yétekchisi guruhi (Taste Atlas) ray sinash netijiside «eng yaxshi sandwich tizimliki» ni élan qilghan. türk lezzetliridin yene biri bolghan «tombik döner» bu tizimlikning eng aldinqi qataridin orun alghan. shundaqla, türkiyedin bashqa lezzetlermu bu tizimlikning aldinqi 20 qataridin orun alghan.
