04.04.2024
бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:
«һөрийәт гезити», җумһур рәис рәҗәп таййип әрдоғанниң мушу бир йил ичидә 3 - қетим оңушлуқ сайлам өткүзүлгәнликини вә демократийәгә көләңгү чүшүридиған һеч қандақ сәләбий вәқәләрниң йүз бәрмигәнликини тәкитләп: «биз бир милләт болуш сүпитимиз билән пүтүн дунйаға түркийәниң демократийәсиниң пишип йетилгәнликини йәнә бир қетим намйан қилдуқ» дегәнликини хәвәр қилди.
«йеңи шәпәқ гезити», 2023-йилида анталйаниң сайаһәт тарихидики әң йуқири рекортни йаратқанлиқини, бу йил мартта тунҗи қетим 500 миңдин артуқ сайаһәтчини күтивалғанлиқини, өз нөвитидә йәнә, мушу 3 айлиқ мәзгил ичидә тунҗи қетим 1 милйонлуқ чәктин ешип кәткәнликини хәвәр қилди.
«вәтән гезити», «деңиз содисида рекорт йаритилди» сәрләвһилик хәвиридә, муну учурларға орун аҗратти:
2024 - йилиниң биринчи пәсилдә түркийә иқтисадида көрүлгән йахшилиниш сода һайатида әкс етишкә башлиди. мартта түркийә портлирида деңиз арқилиқ йүк тошуш миқдари 5 милйон 699 миң 607 тонниға йәтти. түркийә дунйада алдинқи қатардики деңиз дөләтлириниң биригә айланди.
«сабаһ гезити», «түркийәниң шифирлиқ пул базири <ICRYPEX> хәлқарада йуқири өрлимәктә» сәрләвһилик хәвиридә, муну учурларға орун аҗратти:
тез тәрәққий қиливатқан <ICRYPEX> шифирлиқ пул базири, дунйаниң һәрқайси җайлирида тилға елинидиған шифирлиқ пул базириға айланди. <ICRYPEX> түркийәдин кейин йәршари абонтлириға йеңи тизимлик вә йеңи әвлад шифирлиқ пул һәл қилиш чариси билән тәминләш нишаниға қарап охшимиған районларда мулазимитини тезләтмәктә.
«стар гезити», «түркийә мәдәнийәт йоли фестивали башланди» сәрләвһилик хәвиридә, муну учурларға орун аҗратти:
түркийә мәдәнийәт йоли фестивали 2024 - йили қатнашқучиларға унтулғусиз хатириләрни қалдурушқа тәййарлиқ қилмақта. түркийә 13 - апрелдин 10 - нойабирғичә охшимиған 16 шәһәрдә сәккиз ай давамлишидиған мәдәнийәт-сәнәт марафончә фестивали билән гойа байрам кәйпийати йашнитиду. қатнашқучиларни хилму хил паалийәтләр арқилиқ түркийәниң тарихи вә мәдәнийәт байлиқиға даир мол хатириләргә игә қилиду.