18.03.2024

түркийә авази радийоси: «хәбәр түрк гезити», җумһур рәис рәҗәп таййип әрдоғанниң ғәззәдә әсиримиздики әң вәһший ирқий қирғинчилиқлириниң бириниң йүз бериватқанлиқини билдүрүп, «хәлқаралиқ органлар ғәззәдә йәнә бир қетим синақтин өтәлмиди. бу җәрйанда ислам дунйасиму синақтин йахши өтәлмиди, буни қобул қилишимиз керәк» дегәнликини хәвәр қилди.

«йеңи шәпәқ гезити», дөләт мудапиә министири йашар гүләрниң, «бурун қилинған чәклик нишанға игә вә қисқа муддәтлик һәрбий һәрикәтләрниң орниға, күнмиздә террорлуқни увисида йоқитиш истратегийәси билән изчил вә кәң көләмлик һәрикәтләрни әмәлгә ашуруп, террорлуқ тәшкилатиға еғир зәрбиләрни бериватимиз. хатирҗәмликимиз вә бихәтәрликимиз үчүн террорлуққа қарши күрәшни қәтийлик билән давамлаштуримиз. буниңдин һечким гуманланмисун» дегәнликини хәвәр қилди.

«стар гезити», енергийә вә тәбиий  байлиқлар министири алпарслан байрактарниң, түркийәниң дунйада әң тәрәққий қилған деңиз бурғилаш парахотлириға игә 10 дөләтниң бирси икәнликини ейтқанлиқини хәвәр қилди.

хәвәрдә,  алпарслан байрактарниң, «2024-йилни кәшип йили дәп елан қилимиз» дегәнлики билдүрүлди.

«сабаһ гезити», анталйада дәм елиш үчүн апрел (2024) дин кейингә алдин тизимлатқан германийәлик сайаһәтчиләр саниниң 1.5 милйондин ашқанлиқини хәвәр қилди.

хәвәрдә, сайаһәт ширкәтлириниң германийәлик сайаһәтчиләр саниниң бу йил тунҗи қетим 4 милйондин ешип, русийәлик сайаһәтчиләрни арқида қалдуридиғанлиқини тәхмин қиливатқанлиқи қәйт қилинди.