27.02.2024

түркийә авази радийоси: «сабаһ гезити», җумһур рәис рәҗәп таййип әрдоғанниң түнүгүн (26-феврал) русийә пирезиденти путин билән телефонда көрүшкәнликини хәвәр қилди.

хәвәрдә, путинниң җумһур рәис әрдоғанниң туғулған күнини тәбриклигәнлики вә русийә-түркийә мунасивәтлириниң достанә асаста илгирилишигә қошқан төһписи сәвәбидин рәһмәт ейтқанлиқи билдүрүлди.

«һөррийәт гезити», хәлқара җинайи ишлар сотиниң түнүгүн ечилған исираилийәниң пәләстиндики ишғали тоғрисида испат аңлаш йиғинида түркийәгә вакалитән сөз қилған муавин ташқи ишлар министири әһмәт йилдизниң, «исираилийә кишилик һоқуққа вә хәлқаралиқ қанунға хилап һәрикәтләр түпәйлидин җавабкарлиққа тартилиши керәк» дегәнликини хәвәр қилди.

«хәбәр түрк гезити», русийә кремил сарийи байанатчиси песковниң пирезидент путинниң 15-17-март күнлири өткүзүлидиған пирезидентлиқ сайлимидин кейин, түркийәни зийарәт қилидиғанлиқини ейтқанлиқини хәвәр қилди.

«стар гезити», гиретсийә таратқулириниң түркийәниң мудапиә санаитидики тәрәққийатларни йеқиндин көзитиватқанлиқини хәвәр қилди.

хәвәрдә, түркийәниң су асти парахотлирини заманивийлаштуруш ишлирини күнтәртипкә кәлтүргән гиретсийә таратқулириниң, буниңдин кейин икки дөләт һәрбий парахотлири арисида пәрқниң барғансери чоңийидиғанлиқини илгири сүргәнлики қәйт қилинди.