19.02.2024

türkiye awazi radiyosi: «weten géziti», térrorluqqa qarshi küreshning memliket ichi we sirtida qetiylik bilen dawamlishiwatqanliqini xewer qildi.

xewerde, dölet mudapie ministirliqining «penche-qulup herbiy herikiti» rayonida, sekkiz térroristning ujuqturulghanliqini élan qilghanliqi bildürüldi.

«sabah géziti», rusiye pirézidénti wladimir putinning yawropani tenqidlep: «dawamliq rusiyeni énérgiye menbesi bilen teminlimigenlikini, chekligenlikini bazargha saldi. biz héchnimini cheklimiduq, hemme nersini bériwatimiz. eng ishenchlik shérik türkler boldi. shunga, <türk éqimi> arqiliq énérgiye yetküzülüwatidu» dégenlikini xewer qildi.

«hörriyet géziti», sanaet we téxnologiye ministiri fatih kajirning tünügün (18-féwral) istanbulda seudi erebistanning sélinma ministiri xalid elfatih bilen körüshüp, ikki dölet otturisidki iqtisadiy munasiwetlerni téximu ilgirilitidighan chare-tedbirler üstide muzakire ötküzgenlikini xewer qildi.

«star géziti», qatnash ministiri abdulqadir uruloghluning türk énzhénérlar teripidin tereqqiy qildurulghan közitish radarining muweppeqiyetlik sinaq qilinghanliqini we ghaziantep ayrodurumida xizmetke kirishtürüshke teyyar ikenlikini éytqanliqini xewer qildi.

«xeber türk géziti», medeniyet we sayahet ishliri ministiri mehmet nuri ersoyning 2028-yili sayahetchiler sanida aldinqi üch döletning arisidin orun élip, 100 milyard dollar kirim qilishni nishan qilghanliqlirini éytqanliqini xewer qildi.