29.08.2023

türkiye awazi radiyosi: «star géziti», adalet we tereqqiyat partiyesi (AK Parti) ning muawin bashliqi, partiye bayanatchisi ömer chelikning axbarat élan qilish yighinida, «jumhur reis rejep tayyip erdoghan dunyaning yémek-ichmek kirizisigha duchar bolmasliqi üchün eng yuqiri sezgürlük bilen ashliq kirizisi diplomatiyesini qanat yaydurdi. u pat yéqinda sochini ziyaret qilidu, ashliq karidori mesiliside yéngi ilgirileshler bolidu» dégenlikini xewer qildi.

«yéngi shepeq géziti», albaniye bash ministiri édi ramaning girétsiye téléwiziyesining ziyaritini qobul qilghanda, türkiye bilen istratégiyelik shériklik kélishimning barliqini eskertip: «men heqiqetenmu jumhur reis rejep tayyip erdoghanda girétsiyege we girétsiye xelqige qarshi héchqandaq yaman gherizi barliqini körmidim» dégenlikini xewer qildi.

«xeber türk géziti», seudi erebistan sanaet we kan bayliqliri weziri bender bin ibrahim el xurewf bashchiliqidiki sanaet hemde kanchiliq saheside paaliyet qiliwatqan shirketler wekillirining, seudi erebistandiki meblegh sélish pursetlirini tonitishqa tirishiwatqanliqini xewer qildi.

xewerde, bender bin ibrahim el xurewfning, «türkiyelik meblegh salghuchilargha ishinimiz, türkiyening bu pursetlerdin paydilinishini chin könglimizdin ümid qilimiz» dégenliki bildürüldi.

«hörriyet géziti»,  énérgiye we tebiiy bayliqlar ministiri alparslan bayarktarning gabar téghida 100 ming warilliq néfit bayqashning, jumhuriyet tarixining eng chong bayqash ikenlikini éytqanliqini xewer qildi.

«sabah géziti», istanbulning iyul éyi (2023) da 1 milyon 873 ming 97 sayahetchini kütüwalghanliqini xewer qildi.

xewerde, bu reqemning yéqinqi 10 yildiki eng köp sayahetchi kütüwalghan ay ikenliki qeyt qilindi.