22.05.2024

türkiye awazi radiyosi: «‹sabah› géziti», dölitimiz (türkiye jumhuriyiti) jumhur reisi rejep tayyip erdoghanning, ruminiye bash ministiri siolaku bilen ötküzgen qoshma axbarat élan qilish yighinida mundaq dégenlikini yazdi:

«hemmige ayanki, xelqara jemiyetning israiliyening wehshiylikining aldini élish we pelestinlik qérindashlirimizning bixeterlikige kapaletlik qilish mesuliyiti bar. gerche heqiqet shundaq bolsimu, emma xelqara jemiyet israiliyening qetliamlirining aldini élish üchün téxiche tedbir qollanmidi. nétanyahu we uning xudini yoqatqan hökümiti öz puqralirining bixeterlikige ziyan yetküzüsh bedilige dawamliq irqiy qirghinchiliq yürgüzüwatidu.»

«‹sabah› géziti», «selchuq bayraqtar: <türkiye dunyagha ülge yaratti> dédi» serlewhilik töwendiki xewirini oqurmenlirining diqqitige sundi:

 iran pirézidénti ibrahim reisi we uning hemrahliqidiki iran dairiliri olturghan tik uchar ayropilan chüshüp ketkendin kéyin, derhal qaza yüz bergen rayon hem mezkur tik ucharning qalduqlirini éniqlap chiqqan «aqinji» namliq uchquchisiz hawa apparati dunya metbuatlirining küntertipidin orun éliwatqan bir peytte, bayqar guyruhining mudiriyet reisi we téxnika ishliri mesuli selchuq bayraqtar,  türkiyening hem medeniyet qimmiti we téxnologiye tereqqiyati jehette dunyagha ülge yaratqanliqini étyqanliqini yazdi.

«‹hörriyet› géziti», dunya iqtisad munbirining 2023-yilliq sayahetchilik we sayahet tereqqiyati körsetküchide,  türkiyening 8 baldaq yuqiri örlep, 119 dölet ichide 29-rettin orun alghanliqini xewer qildi.

«‹yéngi shepeq› géziti», istanbul ayrodurumining 6-maydin 12-mayghiche künige ottura hésab bilen 1430 qétimliq uchush bilen yawropa boyiche eng awat ayrodurum bolup qalghanliqini  oqurmenliri bilen ortaqlashti.

«‹xewer türk› géziti», türkiyening tunji alem uchquchisi alper gezerawichining munu sözlirini oqurmenlirining diqqitige sundi:

 «peqet birqanche ay ichidila öz dölitimizning imkaniyetlirige tayinip  bir rakéta ishlepchiqirish we bu rakétani alem boshluqigha élip chiqidighan ittirish sistémisi arqiliq yéqin kelgüside ay sharigha chiqishni pilanlawatimiz.»