08.02.2021

türkiye awazi radiyosi: «hörriyet» géziti: «türkiye yawropaning aldida» serlewhilik xewiride, kowid – 19 wehimisi dawamlishiwatqan, kishilerning eqlide «turmush qachan normal izigha chüsher?» dégen soalning höküm sürüwatqan mushu künlerde, amérikaning «blumbérg» qanilining istatistikiliq tekshürüsh élip bérip,  eger waksinining tarqilishi mushu sürette dawamlashsa we wirusning yéngi wariyantlirigha qarshi ünümlük bolsa,  yershariwi immunitét küchige érishish üchün 7 yil waqit kétishining mumkinlikini otturigha qoyghanliqini ilgiri sürdi.

gézitning xewiride körsitilishiche, ikki quta waksina emleshni asas qilghan hésablashlargha qarighanda,  ikki yérim yildin kéyin türkiyening nopusining %75 ige waksina emlep kolléktip immunitét küchige érishishidin ümid bar iken. tu bu jehette 3.2 yil kétidighanliqi mölcherlengen gérmaniye,  3.4 yil kétidighanliqi mölcherlengen bélgiye we 3.9 yil kétidighanliqi mölcherlengen  gollandiye qatarliq yawropadiki nurghun döletlerning aldida iken.

«star» géziti: «ikki dölet otturisidiki tunji qétiliq ish! meblegh sélish üchün türkiyege kélidu» serlewhilik xewiride, wéngiriye tashqi ishlar, qoshumche soda ministiri pétér sijjartoning wéngiriye shirkitining dawalashqa meblegh sélishi toghrisida sözlishish üchün türkiyege kélidighanliqini yazdi.

xewerde körsitilishiche, ikki milyon yawro qimmitidiki sélinma wéngiriyening méditsina sanaiti sahesi boyiche türkiyege salghan tunji qétimliq biwasite sélinma bolush nuqtisidin muhim iken.

«xabertürk» géziti: «yenggilligen yerlik miltiq wezipe üchün teyyar» serlewhilik xewiride, mashina we ximiye sanaiti shirkiti teripidin layihelinip, layaqet tekshürüshidin utuqluq ötken MPT  -  76 – MH tipliq piyade qisimlar miltiqining xewpsizlik küchlirining ishlitishige teyyar haletke keltürülgenliki؛ qoralning éghirliqining burunqigha qarighanda 400 giramdin artuq yenggillep texminen 3 kilogiram 750 giramgha chüshkenliki toghrisidiki uchurlarni oqurmenlirining diqqitige sundi.

«sabah» géziti: «yéngi kimlik perqlendürüsh sistémisi martta bashlinidu» serlewhilik xewiride, biotéksan we hawelsan shirketlirining qollishi arqisida tereqqiy qildurulghan yerlik barmaq izi tonush sistémisining axirqi basquchqa qedem qoyghanliqini, mezkur sistémining tunji bolup ichki ishlar ministirliqi teripidin ishlitilishke bashlinidighanliqini yazdi.

«yéngi shepeq» géziti: «yanwarda 42 ming 560 sayahetchi kapadokyani ziyaret qildi» serlewhilik xewiride, türkiyening peri turxunliri we özgiche güzellikke ige wadiliri,  issiq hawa shari,  yer asti sheherliri bilen dangq chiqarghan sayahet merkezlirining biri bolghan kapadokya rayonidiki muzéylarni yanwarda dölet ichi  -  sirtidin bolup jemiy 42 ming 560 sayahetchining ékskursiye qilghanliqini yazdi.