15.05.2024

türkiye awazi radiyosi: «sabah géziti», gherbiy balqan rayonigha jaylashqan albaniye, bosniye-girétségowina, shimaliy makédoniye, sérbiye we kosowuda élip bérilghan elrayi netijiside, jumhur reis rejep tayyip erdoghanning rayon xelqining yaqturushigha érishken rehber ikenlikining otturigha chiqqanliqi xewer qilindi.

«hörriyet géziti», tashqi ishlar ministiri xaqan fidanning isirailiyening ishghalchi küch ikenlikini tekitlep, «ghezzediki urush bikardin bikar chiqmidi. hamas qarshiliq körsitish herikitidur» dégenlikini xewer qildi.

«yéngi shepeq géziti», énérgiye we tebiiy bayliqlar ministiri alparslan bayraqdarning, türkmenistan tebiiy gazini ezerbeyjan we giruziye arqiliq türkiyege yetküzülidighan türkiye-ezerbeyjan tebiiy gaz saheside hemkarliq kélishimi imzalash murasimida söz qilghanliqini xewer qildi.

xewerde, alparslan bayraqdarning, «bu qish nexchiwanning tebiiy gaz türkiyege kélidu. shunga, eng qisqa waqit ichide bu turuba yolini ishqa kirishtürimiz» dégenliki qeyt qilindi.

«weten géziti», qatnash ministiri abdulqadir uraloghluning iyun éyining béshida «6A -türksat» süniy hemrahini qoyup bérish üchün amérikagha ewetidighanliqlirini, 14-iyunda orbétagha qoyup bérilidighanliqini éytqanliqini xewer qildi.