13.11.2020
bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:
türkiye awazi radiyosi: «hörriyet» géziti, «erdoghan türkiye nöwette alem boshluqi birleshmisi (dédi)» serlewhilik xewiride, jumhur reis rejep tayyip erdoghanning, türkiyening yerlik we milliy süniy hemrah yasash xizmetliri bilen alem boshluqi birlikige kirgenlikini otturigha qoyghanliqini yazdi.
gézitning xewiride körsitilishiche, «pütünley milliy we yerlik inzhénérliq qabiliyitimizge tayinip yasap chiqqan süniy hemrah qoyup bérish sinaqliri ghelibilik axirlashti, bu sinaqlar bilen 4 - qétim alem boshluqigha kirduq» dégen erdoghan, xelqning aldigha herqaysi sahelerde qolgha keltürülgen yéngi utuq xush xewerliri bilen chiqishni dawamlashturidighanliqlirini bildürgen.
«star» géziti, «ezerbeyjanning ghelibiside türk uchquchisiz hawa apparatlirining roli» serlewhilik xewiride, amérika qoshma ishtatlirining ezerbeyjanda wezipe ötigen sabiq bash elchisi we sabiq tashqi ishlar ministiri yardemchisi matéw brayzaning, ezerbeyjan armiyesining erméniyege qarshi jengdiki pewquladde üstünlükini türk uchquchisiz hawa apparatliri bilen munasiwetleshtürüp analiz qilghanliqini yazdi.
xewerde körsitilishide, uchquchisiz hawa apparatlirining heyran qalarliq derijide küchlük rol oyighanliqini bildürgen brayza, bu ghelibige <ishengüsiz derijide> dep baha bergen.
«xabertürk» géziti, «türkiye dunyadiki eshya oboroti chong küchi bolidu» serlewhilik xewiride, (türkiye jumhuriyiti) qatnash we ul – eslihe ishliri ministiri adil qaraismailoghluning, türkiyede yoluchilarni razi qilishni aldinqi orungha qoyidighan tömür yoli markisi yaritilidighanliqini we kelgüsi yillarning tömür yoli yilliri bolidighanliqini éytqanliqini oqurmenliri bilen ortaqlashti.
xewerde, türkiyening meblegh sélish arqiliq dunyadiki eshya oboroti chong küchi bolidighanliqini tekitligen qaraismailoghlu, ezerbeyjandiki yéngi özgirishlerdin kéyin nahchiwan terepke bir tömür yoli yasashning pilanliniwatqanliqini we pilan tetqiqatlirining axirlishish basquchigha kélip qalghanliqini qeyt qilghan.
«sabah» géziti, «teslim bolghan térorchilarning sani 200 ge yéqinlashti» serlewhilik xewiride, térrorchilarning bölgünchi térrorluq teshkilati p k k sépidin qéchishlirining dawamlishiwatqanliqini, tünügün shirnaqta yene bir p k k térrorchisining qayil qilish xizmetliri netijiside teslim bolghanliqini, mushu yilning béshidin buyan alliqachan yoqilish girdabigha bérip qalghan qoli qanliq p k k sépidin qéchip teslim bolghan térrorchilar sanining 197 ge yetkenlikini yazdi.
«weten» géziti, «dangliq shirket türkiye bilen hemkarliq kélishimi imzalidi» serlewhilik xewiride, türkiye alem qatnishi sanaiti shirkiti bilen boénning türkiyede térmoplastik zapchas ishlepchiqirish toghrisida hemkarliq kélishimi imzalighanliqini yazdi.
xewerde körsitilishiche, türkiyede qurulidighan zawutta, yerlik we milliy imkaniyetlerge tayinip dunya ölchimige uyghun térmoplastik zapchaslar ishlepchiqirilidiken.
