илһам әлийев 59-нөвәтлик мйунхен бихәтәрлик кеңиши йиғинида муһим сөз қилди

түркийә авази радийоси хәвири: илһам әлийев, «тағни өрүш؛ җәнубий кавказ районида бихәтәрлик бәрпа қилиш» темилиқ йиғинда, «әлвәттә биз йавро-асийаниң тинчлиқини ишқа ашурушни халаймиз. әзәрбәйҗан вә әрменийә болуш сүпитимиз билән, биз һазир тинчлиқ келишими үстидә хизмәт қиливатимиз, буни әң қисқа вақитта әмәлгә ашурушини үмид қилимиз. мениңчә бу җиддий вә тарихий ихтилаплири бар болған дөләтләрниң бир йәргә җәм болуп, дүшмәнлик бәтлирини йепишға йахши мисал болуп қилиши мумкин» деди.

илһам әлийев әрменийә билән болған тинчлиқ сөһбити тоғрисида америка ташқи ишлар министири антоний биллинкен вә пашинйанму қатнашқан үч тәрәплик учришиш үстидә тохтилип, «әзәрбәйҗан вә әрменийәниң тинчлиқ сөһбити» шундақла «әзәрбәйҗанниң қарабағдики әрменийә аһалилири билән көрүшүши» қатарлиқ икки йөнилишлик позитсийәгә қарита ортақ тонуш барлиқини оттуриға қойди.

илһам әлийев буниңға тәййар икәнликини тәкитләп, буни районда йашайдиған әрменийә җәмийити вәкиллири билән музакирә қилалайдиғанлиқини, әмма русийәдин кәлгән кишиләр билән қилмайдиғанлиқини ейтти.

грузийә баш министири гарибашвилиму бу йиғинни тәшкилләшкә төһпә қошқанларға рәһмәт ейтти вә росийә-украина урушиниң һәммәйләнгә қийинчилиқ елип кәлгәнликини байан қилди.

гарибашвили 2008-йили өзлириниңму русийәгә қарши уруш қилғанлиқини, русийәниң грузийә земини болған абхазийә вә җәнубий осетийәни ишғал қилғанлиқини әскәртти.

гарибашвили русийәниң әмдиликтә украинаға мәркәзләшкәнликини тәкитләп, «бу бир вәйран қилғуч уруш, биз бу урушни ахирлаштуруш үчүн қолимиздин келишичә тиришишимиз керәк, бизниң тинчлиқтин башқа таллишимиз йоқ» деди.

пашинйанму йиғинида қилған сөзидә, «йәр шариниң муқимсизлиқи районимиздики ишларни йахшилимайду. узундин буйан хәлқараниң диққити украинаға мәркәзләшти вә бу районимиз үчүн йеңи хәтәрләрни елип кәлмәктә. хәлқараниң диққитини районимизға тартишму интайин муһим, чүнки районимизда биртәрәп қилиш керәклик нурғун хәтәрләр бар» деди.

пашинйан өзлириниң демократик ислаһатларға садиқ икәнликини билдүрүп, демократик ислаһатлар, қанунниң үстүнлики, кишилик һоқуқ вә мустәқил әдлийә қатарлиқ демократик органларниң тәрәққийатиниң райониниң омумий вәзийитини йахшилайдиғанлиқиға ишинидиғанлиқини ейтти.