әзәрбәйҗан иранға дипломатик нота тапшурди

түркийә авази радийоси хәвири: әзәрбәйҗан ташқи ишлар министирлиқи байанатчиси айхан һаҗизадә йазма байанатида, чәтәлликләрниң әзәрбәйҗан зийарәтлири дөләтниң қанунида бекитилгән қаидиләргә, игилик һоқуқиға вә земин пүтүнлүки принсиплириға уйғун елип берилиши керәкликини тәкитлиди.

байанатчи айхан һаҗизадә әрменийә нопуси зич йашайдиған вә русийә қисимлири вақитлиқ орунлашқан районға 14 иран пуқрасиниң қанунсиз йоллар билән киргәнлики тоғрисидики хәвәрләр үстидә тохтилип, «иран пуқралириниң земинимизға қанунсиз киргәнликигә даир мәлуматларни айдиңлаштүрүш мәқситидә иранниң бакуда турушлуқ баш әлчиханисиға нота тапшурулди. қарши тәрәпниң җавабини күтмәктимиз» деди.