әрменийә әзәрбәйҗанниң һәрбий нуқтилирини оққа тутти
әзәрбәйҗан дөләт мудапиә министирлиқи йеқинқи 24 саәт ичидә әрменийә қисимлириниң әзәрбәйҗан армийәсиниң һәрбий нуқтилирини уда 12 қетим оққа тутқанлиқини уқтурди.
түркийә авази радийоси хәвири: министирлиқ тәрипидин елан қилинған байанатта, чегра линийәлиридики кәлбәҗәр вә лачин вилайәтлири йөнишлиридики әзәрбәйҗан армийәси һәрбий нуқтилириниң, басаргәчәр вилайитиниң нәриманли вә зәркәнт олтурақ районлирида турушлуқ әрменийә һәрбий нуқтилиридин уда 3 қетим оққа тутулғанлиқи әскәртилди.
байанатта, русийә қисимлири вақитлиқ орунлашқан әзәрбәйҗан земинлиридики қанунсиз әрменийә қораллиқ гуруппилириниң, әзәрбәйҗан армийәсиниң ағдам, хоҗавәнд вә хоҗали вилайәтлири йөнилишлиридики һәрбий нуқтилирини уда 9 қетим оққа тутқанлиқи қәйт қилинди.
әзәрбәйҗан армийәсидә һәрбий хадимлар вә үскүниләрниң зийанға учримиғанлиқи әскәртилгән байанатта, әзәрбәйҗан қисимлириниң әрменийә күчлиригә тегишлик җаваб қайтурғанлиқи тәкитләнди.
مۇناسىۋەتلىك خەۋەرلەر
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.
әзәрбәйҗан баш министири түркийәдә зийарәттә болмақта
әзәрбәйҗан баш министири әли әсәдоф түркийәдә дөләт ишлири зийаритидә болмақта.
