әзәрбәйҗан һәрбий мәктипиниң пирограммиси түркийәниңки билән маслаштурулди

түркийә авази радийоси хәвири: әзәрбәйҗан дөләт мудапиә министирлиқиниң билдүрүшичә, әзәрбәйҗан дөләт мудапиә министири пешқәдәм генерал закир һәсәнов,  мәрһум пирезидент һәрдәр әлийевниң исми билән аталған пайтәхт бакудики әзәрбәйҗан алий һәрбий мәктипини зийарәт қилип, оқутқучи - оқуғучилар билән бир йәргә җәм болди, һәмдә бу йәрдә қилған сөзидә, (әрменийәниң 30 йиллиқ ишғалийитигә қарши 2020-йили 27-сентәбирдин 9-нойабирғичә давамлашқан)    2-қарабағ урушида мислисиз зәпәрниң қолға кәлтүрүлүшидә, қериндаш дөләт түркийәниң мәниви вә сийасий җәһәттики қоллишиниң моһим рол ойниғанлиқини тәкитлиди.

у, армийәдә елип бериливатқан ислаһат тоғрилиқму тохтилип мундақ деди: «әзәрбәйҗан алий һәрбий мәктипиниң пирограммиси түркийә җумһурийити дөләт мудапиә университетида оқутулуватқан пирограмма билән маслаштурулди, бу әзәрбәйҗан армийәсидики кәспий офитсерларни тәрбийиләштә ташланған муһим қәдәмләрниң бири һесаблиниду.»