әзәрбәйҗанда мина партилап 2 ишчи қаза қилди
әзәрбәйҗанниң шуша районида, әрменийәниң ишғалийити мәзгилидә көмүп қойулған минаниң партилиши нәтиҗисидә 2 қурулуш ишчиси һайатидин айрилди.
түркийә авази радийоси хәвири: әзәрбәйҗан баш тәптиш мәһкимисиниң билдүрүшичә, һайатидин айрилғанлар, әрменийәниң ишғалийәткә хатимә беришидин кейин, шуша районида қурулуш вә ул әслиһә ишлирини елип бериватқан ширкәтләрниң ишчилири орһан һанатов вә вусал бенделйев болуп, мәһкимә бу вәқәгә мунасивәтлик җинайи ишлар делоси турғузған.
иккинчи қарабағ уруши ахирлашқан 2020 – йили 10 – нойабирдин тартип һазирғичә, әрменийәниң ишғалийити мәзгилидә көмүп қойулған миналарниң партлиши нәтиҗисидә 7 си әскәр болуп, җәмий 36 әзәрбәйҗанлиқ қаза қилған, 109 әскәрни өз ичигә алған 153 киши йариланған.
әзәрбәйҗан – әрменийә чегра линийәсидиму, әрменийә армийәсиниң оқ чиқириши нәтиҗисидә бир әзәрбәйҗан әскири шеһит болғаниди.
әзәрбәйҗан дөләт мудапиә министирлиқи, бу һәқтә елан қилған байанатида, чегра линийәсиниң кәлбәҗәр районида, әрменийә әскәрлириниң йерим кечидә әзәрбәйҗан һәрбий нуқтилириға оқ чиқарғанлиқини, һуҗумда бир әзәрбәйҗан әскириниң шеһит болғанлиқини, әзәрбәйҗан армийәсиниң мудахилиси нәтиҗисидә, һуҗумниң ахирлашқанлиқини билдүргәниди.
