әзәрбәйҗан армийәси муһим йәрләр вә егизликләрни азад қилди
әзәрбәйҗан армийәси ишғал астидики земинлирини азад қилиш һәрбий һәрикәтлири давамида муһим йәрләр вә егизликләрни контрол астиға алди.
түркийә авази радийоси хәвири: әзәрбәйҗан дөләт мудапиә министирлиқиниң билдүрүшичә, түн бойи ағдәрә, фузули, һадрут, җәбрайил вә губадли йөнишлирида һәрбий һәрикәтләр түрлүк шәкилдә давамлашқан болуп, әзәрбәйҗан армийәси мудапиә линийәсигә топ вә минамйотлар арқилиқ һуҗум қилған әрменийә күчлириниң фузули, җәбрайил вә губадли йөнилишлиридики һәрбий нуқтилириға әҗәллик зәрбә бәргән, андин бу йөнилишләрдә муһим йәрләр вә егизликләрни контрол астиға алған.
байанатта тәкитлинишичә, пүткүл алдинқи сәп линийәсини бойлап, әрменийәниң һәрбий мәнбәлири вә ул әслиһәлири қайта әслигә кәлтүргили болмайдиған шәкилдә вәйран қилинған. әрменийә күчлири һәрбий әслиһә, қорал – йарағ, оқ-дора вә йемәк - ичмәк қийинчилиқиға дуч кәлгән.
буниңдин башқа йәнә, пүткүл алдинқи сәп линийәсини бойлап тоқунушлар давамлишиватқан болуп, вәзийәт тамамән әзәрбәйҗан армийәсиниң контроллуқида икән.
