қазақистан қуш зукими көрүлмигән бирдин бир дөләт елан қилинди
хәлқара һайванатларниң саламәтликини қоғдаш тәшкилати «OIE» қазақистанни дунйа бойичә қуш зукими көрүлмигән дөләт елан қилди.
түркийә авази радийоси хәвири: қазақистан йеза иглики министирлиқи тәрипидин елан қилинған байанатта, бу утуқниң йеза игилики министирлиқи вә һайванатларниң саламәтликини қоғдаш органлириниң тиришчанлиқи нәтиҗисидә қолға кәлгәнликини билдүрди.
байанатта, қанатлиқ һайван пирма хизмәтлириниң қазақистан йеза игилики саниитидә муһим саһә икәнлики тәкитлинип, «қазақистанниң қуш зукими көрүлүп бақмиған дөләт елан қилиниши, дөләтниң йеза игилики саһәсидики експорт күчиниң йуқири орлишини ишқа ашуриду. дөләт иқисадиниң тәрәққийатиға вә инавитигә иҗабий тәсир көрситиду» дейилди.
пүтүн дунйа миқйасидики һайванатларниң саламәтликигә мәсул болған хәлқара һайванатларниң саламәтликини қоғдаш тәшкилати «OIE» ниң мәркизи ишханиси франсийәниң пайтәхти парижға җайлашқан.
مۇناسىۋەتلىك خەۋەرلەر
әзәрбәйҗанда 5.2 бал йәр тәвриди
әзәрбәйҗан йәр тәврәш мулазимәт мәркизи йәр тәврәш һәққидә байанат елан қилди.
