алмазбек атамбайев өйигә тәкшүрүшкә кәлгәнләргә қорал ишләткәнликини ейтти
сабиқ қирғизистан пирезиденти алмазбек атамбайев бүгүн өйиниң алдида топланған қоллиғучилириға сөз қилип, хәлқни йиғилишқа чақириқ қилди.
түркийә авази радийоси хәвири: алмазбек атамбайев: «қоллиғучилиримниң тәлипигә бинаән «Forum Plaza» ниң алдида (йәни иҗтимаий демократчилар патийәсиниң мәркизий ишханиси вә бәзи медийа органлириниң ишханиси җайлашқан бина) ниң алдида бүгүн (шу йәрниң вақти) саәт 16:30 да топлинидиған болдуқ» деди.
алмазбек атамбайев түнүгүн өйидә елип берилған тәкшүрүш һәрикити үстидә тохтилип, «буниңдин илгири керәклик болғанда қорал ишлитидиғанлиқимни ейтқан идим. бу агаһландурушлиримға писәнт қилишмиди. бу йәрдә пәқәт мәндила қорал бар. пуқраларниң қолида қорал йоқ. түнүгүн қорални ишқа салдим» деди.
бу тәкшүрүш һәрикитигә һөкүмәтниң җавабкар икәнликини илгири сүргән алмазбек атамбайев, «Forum Plaza» ниң алдида йиғилғандин кейин, пирезидентлиқ сарийиға йүрүш қилидиғанлиқини җакарлиди.
қизғизистан парламени байанатчиси ибраһим нуракун улуму иҗтимаий таратқу һесабидин елан қилған байанатида, парламент омумий кеңишиниңму пәвқуладдә җиддий йиғин чақиридиғанлиқини елан қилди.
مۇناسىۋەتلىك خەۋەرلەر
әзәрбәйҗан – әрменийә тинчлиқ сөһбити башланди
әзәрбәйҗан билән әрменийә оттурисидики тинчлиқ сөһбити қазақистанниң алмата шәһиридә башланди.
әзәрбәйҗан баш министири түркийәдә зийарәттә болмақта
әзәрбәйҗан баш министири әли әсәдоф түркийәдә дөләт ишлири зийаритидә болмақта.
