өзбекистан 17 йиллиқ қарарини өзгәртти

түркийә авази радийоси хәвири: өзбекистан пирезиденти шәвкәт мирзийайев, әтә қирғизистан пайтәхт бишкәктә чақирилидиған түрк тилида сөзлишидиған дөләтләр һәмкарлиқ кеңишиниң йуқири дәриҗилик рәһбәрләр йиғиниға иштирак қилиду؛ 2000 – йили әзәрбәйҗанда чақирилған түркчә сөзлишидиған дөләтләр дөләт башлиқлири йиғиниға пирезидент дәриҗисидә иштирак қилған өзбекистан, 2001 – йилидин кейин парламент башлиқи дәриҗисидә иштирак қилип кәлмәктә.

өзбекистан аридин 5 йил өткәндин кейин 2006 – йили анталйада чақирилған йиғинға иштирак қилмаслиқ йолини таллиди. униңдин кейинки йиғинларға иштирак қилмиди, 2009 – йили 3 – өктәбирдики нәһчиван келишими билән 2010 – йили 16 – сентәбирдики истанбул хитабнамисини чөридигән һалда қурулған түрк тилида сөзлишидиған дөләтләр кеңишиниң қурулуши вә паалийәтлиригә иштирак қилмиди.

пирезидент шәвкәт мирзийайевниң вәзипә өтәшкә башлиши билән йеқинқи йилларда өзбекистан – түркийә мунасивәтлири гүллинишкә башлиди, өзара йуқири дәриҗилик рәһбәрләрниң зийарәтлири ишқа ашурулди.