қазақистан латин елипбәсигә өтүш хизмәтлириниң җиддий давамлишиватқанлиқини билдүрди
қазақистан пән – маарип ишлири министири йерлан сагадийев, қазақ тили латин елипбәсиниң мушу йилниң ахириғичә тәййар болидиғанлиқини әскәртти.
778812
түркийә авази радийоси хәвири: қазақ тилини латин елипбәсигә өткүзүштин ибарәт бу муһим пиланда хаталиқ көрүлмәслики үчүн, әтраплиқ ойлиниш, еһтийатчанлиқ билән һәрикәт қилиш керәкликини билдүргән сагадийев, «бу йил қилиниши керәк болған бирдинбир иш, һәммә қобул қилалайдиған бир елипбәгә өтүштур. бир қанчә хил таллаш бар, булар баһалиниду вә һәл қилғуч қарар чиқирилиду. арқидин латин елипбәсигә өтүшниң хизмәт пилани тәййарлиниду» деди.
министир сагадийев, елипбә түзүш мәхсус комитетиниңму хизмәтлирини давамлаштуруватқанлиқини сөзлиригә илавә қилди.
