уйғур елидики деһқан зәһәр чәккүчиләрниң сани көпийип кәткән

түркийә авази радийоси хәвири: «‹ асийа киндики› тори» ниң хәвәр қилишичә, 2016-йили 5-айниң 31-күнигә қәдәр уйғур елида 76 миң зәһәр чәккүчи тизимға елинған болуп, һазир бар болған зәһәр чәккүчиләрниң сани 42 миңға йәткән (бу зәһәр ташлап 3 йилдин кейин қайта зәһәр чәккәнлики байқалмиған 34 миң адәмни вә өлүп кәткән, чеградин айрилғанларни өз ичигә алмайдикән), буниң ичидә әрләр %90 ни, 18 йаштин 35 йашқичә болғанлар йеримдин көпрәкини игиләйдикән.

һазирға қәдәр уйғур елида тизимға елинған зәһәр чәккүчиләр 1000 дин йуқири наһийә (шәһәр, район) ниң сани 26 гә йетип, 2015-йили йил ахиридикидин төти көпәйгән؛ 100 адәмдин 1000 адәмгичә болған наһийә (шәһәр, район) ниң сани 55 кә, 100 адәмдин төвән наһийә (шәһәр, район) ниң сани 21 гә йәткән. пүтүн аптоном район тәвәсидики барлиқ наһийә (шәһәр, район) ларниң һәммисидә зәһәр чәккүчиләр тизимға елинған.

18 йаштин 35 йашқичә болған зәһәр чәккүчиләр йеримдин көпрәкини игилигән.

пүтүн аптоном район тәвәсидики һазир бар болған 42 миң зәһәр чәккүчи ичидә бир қетим тәкшүрүп қолға чүшүрүлгән зәһәр ташлаш тарихи йоқ, арилап чәккүчиләр вә қайтилап чәккүчиләр (хумар болуп қалғанлар) айрим - айрим һалда %51.21 вә %48.79 ни игилигән؛ әрләр вә айаллар айрим айрим һалда %90.92 вә %9.08 ни игилигән.

йаш қатлимидин қариғанда, уйғур елидики зәһәр чәккүчиләрниң йеши кичикләш әһвали гәвдилик болған. пүтүн аптоном район тәвәсидики зәһәр чәккүчиләр ичидә 18 йаштин 35 йашқичә болғанлар 23 миңдин ашидиған болуп %55.02 ни игилигән.

зәһәр чәккүчиләр ичидә зәһәр чәккүчиләрниң көп хиллиқ алаһидилики рошән болған. кәспи ениқ тизимға елинған зәһәр чәккүчиләр ичидә ишсизлар %64.70 и, деһқанлар %17.52 ни, йәккә тиҗарәтчиләр %8.64 ни игилигән.

зәһәр содиси топи йашлар вә ишсизларни асас қилған болуп, 2015-йилидин буйан пүтүн аптоном район тәвәсидә қолға елинған 3751 нәпәр зәһәр содиси җинайәт гумандари ичидә 35 йаштин төвәнләр %46.01 ни игилигән؛ деһқанлар вә муқим хизмити йоқлар %80.06 ни игилигән.