түркләр берлиндә әрмәнләргә күчлүк инкас қайтурди
германийәдә йашаватқан түркләр федерал мәҗлискә сунулидиған 1915 – йилқи вәқәләргә мунасивәтлик әрмәни дәвалириға кәң көләмлик намайиш өткүзүш арқилиқ күчлүк инкас қайтурди.
502367
түркийә авази радийоси хәвири: пайтәхт берлиндә өткүзүлгән намайишқа қанчә он миңлиған кишиләр иштирак қилди.
германийәдики аммиви тәшкилатларниң омуртқиси һесаблинидиған «түркийә – германийә һәмкарлиқ җәмийити» тәрипидин германийәниң тарихий биранденбург дәрвазисиниң йенидики мәйданда уйуштурулған намайишқа германийә, фирансийә вә белгийәдә йашаватқан түркләрдин сирт йәнә, германийәдә йашаватқан пәләстинликләр, мисирлиқлар, сүрийәликләр вә әзәрбәйҗанлиқларму иштирак қилди. түркийә вә германийә байрақлирини көтүрүвалған намайишчилар түрлүк шоарларни товлап, германийә парламентидин әрмәни дәвалириға мунасивәтлик қанун тәклипини авазға қоймаслиқини тәләп қилишти. намайиш даңлиқ сәнәтчи уғур ишилақниң консерти билән ахирлашти.
