йәкән вәқәсигә четишлиқ 18 гумандар тәслим болди
28- ийул йәкән наһийәсидә йүз бәргән вәқәләр билән четишлиқи барлиқи илгири сүрүлгән 18 гумандар тәслим болди.
шинхуа агентлиқиниң 10- авғуст үрүмчидин хәвәр қилишичә, йәрлик һөкүмәт, өткән ай йәкәндә йүз бәргән вәқәләр билән четишлиқи бар 18 гумандарниң күчлүк тәшвиқатниң сайисида сақчиларға тәслим болғанлиқини билдүргән.
хитай һөкүмити тәрипидин елан қилинған рәсмий санлиқ мәлуматларға көрә, 28- ийул йәкән наһийәсидә йүз бәргән вәқәләрдә 37 пуқра өлгән, 13 пуқра йариланған. сақчилар 59 һуҗумчини етивәткән, 215 кишини назарәт астиға алған.
хәвәрдә көрситилишичә, йәкән наһийәлик җамаәт хәвпсизлик идарисиниң хадими абдулқәййум абдулқадир, тәслим болған гумандарларниң аз бир қисминиң җаһил террорчилар икәнликини, көпинчисиниң болса, террорлуқ һуҗумлириға қатнишишқа риғбәтләндүрүлгәнликини ейтқан. абдулқәййум абдулқадир, тәслим болған гумандарларниң җинайәт садир қилғанлиқи испатланған тәқдирдә йәңгилрәк җазалинидиғанлиқини әскәрткән вә һазирғичә тәслим болмиғанларниң имканийитиниң йетишичә тез тәслим болушини ейтип агаһландурған.
1- авғуст күни йәкән наһийәлик һөкүмәт уқтуруш тарқитип, хәлқни гумандарларниң орнини ашкарилашқа чақирғаниди.
