әрменийә – әзәрбәйҗан алдинқи сепидә 2 әскәр шеһит болди

түркийә авази радийоси хәвири: әзәрбәйҗан җумһурийәт байримини тәбрикләватқан күндә әрменийә – әзәрбәйҗан алдинқи сепидә тоқунуш йүз берип, вәзийәт кәскинлишип кәтти.
әзәрбәйҗан мудапиә министирлиқи тәрипидин елан қилинған байанатқа асасланғанда, бир гуруппа әрмән әскири әзәрбәйҗан земинлириға соқунуп киришкә урунған. бу вәқә бүгүн кечә алдинқи сәп линийәсиниң фузули районида мәйданға кәлгән.
икки тәрәп арисида йүз бәргән тоқунушта икки әзәрбәйҗан әскири шеһит болди, бир әскәр еғир йариланди. тоқунуш таң атқучә давамлашти.
әзәрбәйҗан мудапиә министири закир һасанов, шеһит әскәрләргә алаһидә хизмәт медали берилидиғанлиқини билдүрди.
һазирғичә әрменийә тәрәп вәқә тоғрисида һечқандақ рәсмий байанат елан қилмиди.