pelestinlik 256 tenheriketchi öltürüldi
pelestin putbolchilar birleshmisining reisi jibril errajub israiliyening 7-öktebirdin buyan dawamlashturuwatqan hujumlirida pelestinlik 256 putbolchi, bashqurghuchi we téxnik xadimning öltürülgenlikini éytti.
türkiye awazi radiyosi xewiri: errajub pelestin axbarat wastilirining wekilliri bilen körüshkende qilghan sözide, israiliyeni pelestin xelqi we pelestin tenheriketchilirige qarshi «irqiy qirghinchiliq» yürgüzüsh bilen eyiblep mundaq dédi:
«israiliye 7-öktebirdin buyanqi irqiy qirghinchiliqliri dawamida, iyordan deryasining gherbiy qirghiqidiki hujumlirida ölüp ketken 11 tenheriketchi bilen qoshulup, jemiy 256 tenheriketchi, bashqurghuchi we téxnik xadimni öltürdi.»
u onlarche tenheriketchining israiliyening ghezze rayonigha qaratqan hujumliri dawamida xarabiliklerning astida qalghanliqini, yüzligen tenheriketchining tutqun qilinghanliqini bayan qildi.
igilinishiche, israiliyening 7 – öktebirdin buyan rayonda dawamlashturuwatqan hujumlirida balilar we ayallarni öz ichige alghan 35 ming puqra hayatidin ayrilghan.