olimpik meshili kannés féstiwaligha qatnashturuldi
firansiyelik tenheriketchiler 77-qétimliq kannés filim féstiwalida qizil gélemde olimpik meshilini kötürüp mangdi.
türkiye awazi radiyosi xewiri: firansiyede ötküzülgen 77-qétimliq kannés filim féstiwalida «marséllo miyo» filimi tamashibinlar bilen yüz körüshüshtin ilgiri, firansiyelik tenheriketchilerdin teshkillengen bir ömek olimpik meshilini kötürüp sehnige chiqti.
firansiyelik tenheriketchilerdin anua assumani (Arnaud Assoumani), aléksis xankiwinkuant (AlexisHanquinquant), néliya barbosa (Nelia Barbosa) we maghi patullét (Marie Patouillet) qizil gélemde meshelni kötürüp mangdi. 2024-yilliq parizh olimpik yighini komitétining bashliqi toni éstongét (Tony Estanguet) kona tenheriketchi térriy ghéy (Thierry Rey) qatarliq kishiler, tenheriketchilerge hemrah boldi.
girétsiyedin yolgha chiqqan olimpik meshili 8-may (2024) firansiyening aqdéngiz shehiri marsilyagha yétip kelgen idi. olimpik meshili 26-iyul 2024-yilliq parizh olimpik yighini bashlanghiche firansiyediki 400 din artuq nuqtigha apirilidu.
firansiyede 26-iyuldin 11-awghustqiche olimpik tenheriket yighini ötküzülidu.
