түркийә-полша айаллар командилириниң мусабиқиси әтә өткүзүлиду

түркийә авази радийоси хәвири: түркийә айаллар валийбол командиси әтә полша командиси билән йавропа чемпийонлуқи чарәк һәл қилғуч мусабиқисигә чүшиду.

белгийә пайтәхти бирйусселда өткүзүлидиған мусабиқә, әнқәрә вақти 18.00, үрүмчи вақти 21.00 дә башлиниду. т р т спор қанили (TRT Spor) мусабқә җәрйанини нәқ мәйдандин тарқитиду.

түркийә айаллар валийбол командиси C гурупписида бәш мәйдан мусабиқидә ғәлибә қилип, 16 командиниң ичигә кирди. белгийә командисини 1 гә қарши 3 нәтиҗә билән йиңип, чарәк һәл қилғуч мусабиқигә қатнишиш салаһийитигә еришти.

полша командиси A гуруппида төт мәйдан мусабиқидә ғәлибә қилди. сербийә командисиға уттуруп қойди. гурупписида иккинчи болуп 16 команда ичигә киргән вә германийә командисини 0 гә қарши 3 нәтиҗә билән йәңгән полша командиси, чарәк һәл қлғуч мусабиқидә түркийә командисиниң рәқибигә айланди.

бирйуссел 1-сентәбир (2023) җүмә күни өткүзүлидиған йерим һәл қилғуч вә 3-сентәбир йәкшәнбә күни өткүзүлидиған һәл қилғуч мусабиқигә саһибханлиқ қилиду.