чемпийон мәтә газоз истанбулда гүл - чечәкләр билән қарши елинди

түркийә авази радийоси хәвири: германийәниң пайтәхти берлинда өткүзүлгән дунйа оқйа етиш бойичә ләвһә талишиш мусабиқисиниң әрләр килассик оқйа етиш түридә алтун медалға еришкән мәтә газоз истанбулға йетип кәлди.

дунйа чемпийонлуқини қолға кәлтүргән тунҗи түрк оқйа етиш маһири мәтә газоз дөләтлик айродурумлар идариси вә истанбул айродуруми башқуруш оргини хизмәтчилири тәрипидин истанбул айродурумида гүл -чечәкләр билән күтүвелинди.

олимпик вә дунйа чемпийонлуқини қолға кәлтүргән дөләтлик тәнһәрикәт маһири үчүн, ишчи - хизмәтчиләр «мубарәк болсун, пәхирләнмәктимиз» дегән хәтләр йезилған панкартларни ачти.

мәтә газоз таратқуларға байанат берип: «мән интайин хушал. лекин техиму муһими, биз икки күн илгири команда сүпитидә дунйа иккинчиси болдуқ. 2024- йили команда бойичә парижға баримиз. биз наһайити йахши бир һәптини баштин кәчүрдуқ, һәммә иш биз ойлиғандәк болуватиду. бизниң кейинки нишанимиз 2024 – йили парижда һәм команда, һәм шәхс сүпитидә чемпийон болуш» деди.