галатасарай билән динамо командилири алаһидә мусабиқә өткүзди

түркийә авази радийоси хәвири: истанбул нәф тәнтәрбийә мәйданида, галатасарай командиси билән украинаниң динамо кийев командиси украинада болуватқан урушта зийанкәшликкә учриған балиларға йардәм қилиш үчүн алаһидә мусабиқә өткүзди. «тинчлиқ үчүн мусабиқә» шоари билән өткүзүлгән мусабиқидә, украина динамо командиси 1 гә қарши 3 нәтиҗә ғәлбә қилди.

динамо командисиниң маһири буйалски мусабиқә башлинип 14 минут өткәндә, галатасарай командисиниң варатасиға бир топ, йәнә бир маһир беседин 28 минут өткәндә, бир топ, мусабиқә башланғили  80 минут болғанда тсйганко бир топ киргүзди.

галатасарай командисиниң маһири бариш алпәр мусабиқә башлинип 56 минут өткәндә динамо командисиниң варатасиға бир топ киргүзди.

мусабиқә башлиништин илгири, украинадики урушта җенидин айрилғанлар үчүн бир минут сүкүттә турулди. мусабиқини украиналиқ нурғун путбол һәвәскарлири мәйдандин көрди. динамо командисиниң әзалири мәйданға украина байриқи билән кирди.

тамашибинлар мусабиқә ахирлашқанда мәйданни бирликтә айланған икки командиға қизғин алқиш йаңратти.

мусабиқә үчүн 6 миң 726 беләт сетилғанлиқи билдүрүлди.