түркийә 2020 – йили тәнтәрбийә саһәсидә балқан райониниң әң көп медалға еришкән дөлити
дидәм өзташбаши тәрипидин тәййарланған «биливелиң» намлиқ пирограммимизниң бүгүнки санида «түркийә 2020 – йили тәнтәрбийә саһәсидә балқан райониниң әң көп медалға еришкән дөлити» дегән темидики учурларни силәр билән ортақлишимиз.
түркийә авази радийоси: түркийәниң 2020 – йили балқан райониниң әң көп медалға еришкән дөлити икәнликини аңлиғанмидиңиз?
түрк тәнһәрикәтчилириниң йеник атлетика йаш түридики балқан ләвһә талишиш мусабиқисидә 123 медалға еришиши билән, түркийә балқан районида әң көп медал алған дөләткә айланди. гәрчә 2020-йили тарқилишчан зукам түпәйли чәклик санда мусабиқә өткүзүлгән болсиму, зал вә очуқ мәйдан мусабиқилиридә 43 түркийә рекорти йеңиланди. чоңлар категорийәсидики йәттә айрим тармақта түркийә рекорти йаритилди.
түркийәниң әң қабилийәтлик 400 метирлиқ риқабәт мәйдани мейип тәнһәрикәтчилиридин бәркә ақчам, өз түридә дунйаниң әң йахши дәриҗисигә еришкән болса, йасәмин чам «дунйа йерим марафончә йүгүрүш ләвһә талишиш мусабиқиси»дә түркийәни тунҗи қетим дунйа йәттинчиликигә ериштүрди.
2020-йили түркийә мувәппәқийәт қазанған йәнә бир тәнһәрикәт түри болса валибол болди. түркийә дөләтлик айаллар валибол командиси 2020-йиллиқ CEV токйо олимпик тәнһәрикәт мусабиқисиниң йавропа чоң қуруқлуқ шаллаш һәл қилғуч мусабиқисидә германийәни мәғлуп қилип, тарихида иккинчи қетим олимпик мусабиқисигә қатнишиш салаһийитигә еришти.
