йеник атлитка мусабиқилири 15-ийул башлиниду
түркийә йеник атлитка федератсийәси вухән вируси (Kovid-19) сәвәбидин кечиккән йеник атлитка мусабиқилирини 18-19-ийулда өткүзүлидиған мусабиқиләр билән башлайду.
түркийә авази радийоси хәвири: түркийә йеник атлитка федератсийәси 15-ийул демократийә вә миллий иттипақлиқ күни үчүн әнқәрәдә алаһидә өткүзүлидиған мусабиқиләр билән, йеник атлитка мусабиқилириниң башлинидиғанлиқини елан қилди.
байанатта мундақ дейилди:
«дунйа йеник атлитка комитети асаслиқ мусабиқилирини 2020-йили авғуст вә өктәбир айлириға кечиктүрди. йавропа дөләтлири болса, авғуст ейиниң ахири вә сентәбирниң беши өткүзиду. түркийә йеник атлитка чемпийонлуқ мусабиқилири сентәбирниң бешида башлиниду. дунйа йеник атлитка комитети апрел ейида (2020) һәр қайси дөләтләрниң йәрлик органлири чиқиридиған қарарларни нәзәрдә тутуп мусабиқә вақитлирини бәлгилимигән иди. пәқәт авғуст вә сентәбир айлирида дөләтлик чемпийонлуқни талишиш мусабиқилирини ахирлаштуруш үчүн тәвсийә қарари чиқарған иди.»
